भगवान खनाल आँबुखैरेनी
तनहुँको आँबुखैरेनीको वडा नं। ६ मा चक्रपथ निर्माणाधीन छ । दिनहुँ बजारमा जनसंख्या चाप बढ्दै गई घर निर्माण लगायतका कामहरु तीब्र रुपमा बढ्दै गएकोले बजारको शहरी विकासको लागि चक्रपथ निर्माण गरिएको हो । चक्रपथ अन्तर्गत यहाँका भित्री बाटोहरु विस्तार नाली निर्माण सडक ग्राभेल र पिच गर्ने कार्य भइरहेको हो । स्थानीयहरुले आँबुखैरेनी चक्रपथ उपभोक्ता समिति बनाएर काम गरिरहेको समितिका अध्यक्ष ऋषी के।सीले बताए । चक्रपथको संजालले पृथ्वी राजमार्ग र गोरखा आँबुखैरेनी सडकलाई छुने भएको छ । चक्रपथ निर्माण पछि यहाँका भित्री वस्तीहरुमा आवतजावत सहज भएको छ । ,
रामशाह नजिकै विद्यालयमार्गमा भइरहेको नाली खन्ने काम ।
आँबुखैरेनीको व्यवस्थित सहरीकरणको लागि सरकारले समेत चासो दिएको अध्यक्ष के। सी बताउँछन् । गोरखास्थित साना शहरी विकास आयोजनाले गत वर्ष चक्रपथ निर्माणको लागि सात लाख रकम सहयोग गरेको उनले बताए । यसैगरी यस आर्थिक वर्षमा पनि आयोजनाले आठ लाख रुपैया दिएको छ । यस्तै दमौलीस्थित सडक डिभिजन कार्यालयले चालू आर्थिक वर्षमै व्यवस्थित सहरीकरणको लागि १२ लाख दिएको छ । यो वर्ष २० लाख बजेटमा काम गर्दैछौं केसीले भनें यो वर्ष विद्यालयमार्गमा नाली बनाउने र शिव मन्दिर र गुम्बा प्रवेशद्वारमा सडक पीच गर्दैछौं । गत वर्ष समितिले यहाँको भित्री वस्तीको सडक विस्तार गरेको थियो । सडक विस्तार गरी ग्राभेल गरिएको थियो । यसले वर्षौ अघिनै बाटो खुलेर पनि केही हुन नसकेकोमा बाटो सुधारमा मद्दत गरेको समितिका सचिव अनिल श्रेष्ठले बताए ।
आँबुखैरेनीको व्यवस्थित बजारीकरणको लागि सडक नालीसँगै ढलको पनि आवश्यकता रहेको श्रेष्ठले बताए । समितिले अगामी वर्षदेखि सरकारी सहयोग पाएमा ढलको लागि काम गर्ने उनी बताउँछन् ।
अमर खड्का, इटहरी, वैशाख ११- माओवादी सचिव हरिबोल गजुरेलले शीर्ष
नेताहरुबीच अहिले भइरहेको वार्ताले संविधान निर्माणमा रहेका विवादहरुको
टुङ्गो नलागे नयाँ सिराबाट आन्दोलन सुरु हुने र त्यसले माओवादीलाई नै फाइदा
पुग्ने बताएका छन्।
इटहरीमा आयोजित पत्रकार सम्मेलनमा बोल्दै गजुरेलले भने, 'आन्दोलनले
माओवादीलाई सत्तामा पनि पुर्याउँछ र हाम्रो लक्ष्य पनि पूरा हुन्छ।' 
